Бүгін 16 маусым күні лагерімізде ерекше көңілді әрі қызықты күн өтті – «Ғажайыптар күні»! Бұл күннің басты шарасы – «Қазына тап» атты ұжымдық ойын болды. Балалар әртүрлі станцияларға бөлініп, карта мен жұмбақтар арқылы жасырынған қазынаны іздеуге аттанды. Ойын барысында қатысушылар тапқырлықтарын, командалық жұмысты және зейінділіктерін көрсетіп, әр кезеңнен сәтті өтті. Жасырынған тапсырмаларды шеше отырып, балалар шытырман оқиғаларға толы саяхатқа аттанғандай әсер алды.
Шараның мақсаты – балалардың логикалық ойлауын, бірлік пен достықты арттыру болды. Күні бойы шат күлкі мен қуанышқа толы сәттер лагерьдің шынайы рухын сездірді.
«Қазына тап» ойыны барлық қатысушылардың есінде ұзақ сақталары сөзсіз!
«Ғажайыптар күні»
